“Ədəbiyyat qəzeti”-75
Azərbaycan Yazıçılar Birliyinin
ədəbi nəşri “Ədəbiyyat qəzeti”nin
ilk sayı 1 yanvar 1934-cü ildə işıq
üzü görmüşdür.
4 aprel 1953-cü ildən isə Azərbaycan
Sovet Yazıçıları İttifaqının,
Azərbaycan SSR Kinematoqrafiya Nazirliyinin və Azərbaycan
SSR Nazirlər Soveti yanında incəsənət
işləri İdarəsinin orqanı olaraq “Ədəbiyyat
və incəsənət” adı ilə A-2 formatda
4 səhifə həcmində həftədə
bir dəfə nəşr edilmişdir.
1967-ci ilin yanvarından Azərbaycan
Yazıçılar İttifaqı və Azərbaycan
SSR Mədəniyyət Nazirliyinin orqanı kimi
A-3 formatda 16 səhifə həcmində həftədə
bir dəfə çap olunmuşdur.
1991-ci
ilin yanvarından etibarən yenidən ilkin başlığını
bərpa edərək “Ədəbiyyat qəzeti”
adı ilə çıxır.
“Ədəbiyyat qəzeti”nin ilk baş
redaktoru Hacıbaba Nəzərli, sonralar isə
Məmmədkazım Ələkbərli, Seyfulla
Şamilov, Məmməd Səid Ordubadi, Osman Sarıvəlli,
Məmməd Cəfər, Ənvər Əlibəyli,
Əhməd Cəmil, Süleyman Rüstəm,
Qasım Qasımzadə, Yusif Əzimzadə,
Hüseyn Abbaszadə, Nəriman Həsənzadə,
Cabir Novruz və Sabir Əhmədli olmuşlar.
Hazırda qəzetin baş redaktoru Ayaz Vəfalıdır.
|