“Qobustan”
sənət toplusu haqqında
“Qobustan”ın ilk sayı 1969-cu ildən
işıq üzü görməyə başlamışdır.
Adı qayaüstü rəsmlərlə zəngin,
Qavaldaşlı məşhur Qobustanla bağlıdır.
İndiyəcən 146 sayı çıxmışdır.
40 il ərzində topluda Azərbaycan və dünya
sənəti və sənətkarları haqqında
xeyli material çap olunmuş, uzun müddət
oxucuların çox böyük rəğbətini
qazanmışdır. Müəlliflərin arasında
Qara Qarayev, Mikayıl Abdullayev, Tofiq Quliyev və
b. kimi böyük sənət adamları da olmuşdur.
Toplunun yaranmasında, bir nəşr
kimi onun ilk baş redaktoru Xalq yazıçısı
Anarın müstəsna rolu danılmazdır.
O, 20 ilə yaxın bir vaxt ərzində topluya
rəhbərlik etmiş, indi də təsisçilərindən,
təəssübkeşlərindən biridir.
Anardan
sonra 2004-cü ilə kimi “Qobustan”ın baş
redaktoru Xalq şairi Fikrət Qoca olmuşdur.
Hazırda toplunun baş redaktoru şair
Ələkbər Salahzadədir.
Toplu üç aydan bir çıxır,
tirajı 500 nüsxədir.
|