“Ulduz”
jurnalının nəşri tarixindən
“Ulduz” AYB-nin orqanı olan aylıq ədəbi-bədii
jurnaldır. İlk sayı 1967-ci ilin yanvarında
çıxıb. Jurnalın yaranmasında AKP
MK katibi, yazıçı-dramaturq Şıxəli
Qurbanovun böyük xidmətləri olub.
1967-ci ilin mayından C.Novruza jurnala
rəhbərlik etmək tapşırılıb.
Sonralar Akif Hüseynov, Əhməd Cəmil, Yusif
Səmədoğlu, Abbas Abdulla, Ələkbər
Salahzadə bu işi ləyaqətlə davam
etdirib. Hazırda jurnal yazıçı-dramaturq
Elçin Hüseynbəylinin rəhbərliyi ilə
hazırlanır. 
Daha çox gənc ədəbi nəslin
yaradıcılığına yer verən jurnal
orta və yaşlı nəslə, o cümlədən
əyalətdə yaşayıb-yaradan qələm
adamlarına da xüsusi diqqət və qayğı
ilə yanaşır. Jurnalın “Axtarış”,
“Tənqidçi ilə yazıçı üz-üzə”,
“Qadın sözü”, “Yeni nəşrlər”,
“Anım”, “Nostalji”, “Kardeş kalemler”, “Teatr”,
“Tərcümə”, “İnternet Mozaika” və
digər maraqlı rubrikaları müxtəlif
yaş və təbəqədən olan oxucuların
tələblərinə cavab verir.
|
