Azərbaycan Yazıçılar Birliyinin mətbuat orqanları
(jurnallar və qəzetlər)

Azərbaycanda jurnalistika sisteminin əsası “Əkinçi” (1875-1877) qəzeti ilə qoyulmuşdur. XX əsrin əvvəllərində qəzetlərin və qismən də jurnalların kütləvi informasiya vasitələrinə çevrilməsi prosesi sürətlənmişdir. İlk ədəbi jurnal “Füyuzat” (1906-1907) və “Yeni Füyuzat” (1910-1911) jurnallarıdır. “Molla Nəsrəddin” (1906-1931) jurnal kimi Azərbaycan ədəbiyyatı və mətbuatının inkişafında mühüm rol oynamışdır. 1923-cü ildə nəşrə başlayan “Maarif və mədəniyyət” jurnalının (1953-cü ildən “Azərbaycan”) ədəbi qüvvələrin səfərbər edilməsində böyük xidmətləri var. “Qızıl qələm” (1924), “Ədəbiyyat cəbhəsində” (1930), “Hücum” (1930), rus dilində “Литературный Азербайджан” (1931) (1942-1952 illərdə çıxmamışdır) öz ətrafında gənc ədəbi qüvvələri toplamışdır. Hal-hazırda Azərbaycanda bir çox jurnallar çap olunur, lakin sırf respublikanın ədəbi mühütini əks etdirən jurnalları Azərbaycan Yazıçılar Birliyi buraxır. “Azərbaycan”, “Литературный Азербайджан”, “Qobustan”, “Ulduz”, “Dünya ədəbiyyatı dərgisi”, “Ədəbiyyat qəzeti”, “Мир литературы” qəzeti. Bu jurnal və qəzetlərə istedadlı yazıçılarımız Ayaz Vəfalı, İntiqam Qasımzadə, Solmaz İbrahimova, Ələkbər Salahzadə, Elçin Hüseynbəyli, Səlim Babullaoğlu, Asim Cəlilov rəhbərlik edirlər. “Ədəbiyyat qəzeti”-75 “Azərbaycan” jurnalı “Литературный Азербайджан” “Qobustan” sənət toplusu haqqında “Ulduz” jurnalının nəşri tarixindən “Dünya Ədəbiyyatı” dərgisinin 2004-2009 illərdəki fəaliyyəti ilə bağlı məlumat “Мир Литературы”: Bu gün və həmişə